Yangon Kachin Baptist Church
No. (40/B), Shwe Pyi Aye Street,
Sanchaung T/s, Yangon, Myanmar.
Phone: 01-527732, 502404 ext. 116
Email: JLIB_HTML_CLOAKING

196786

Hpung Kongsi Amu Madu ni

Duwa Zau Gun
(1978)


January 13, 1947:  Kutkai mare Rev. Lahpai Zau Yaw hte Sarama Nang Hseng Yan kaw na shangai ai la ntang mahtang re.
1952:  Kutkai Kachin Baptise School (KBS) hte hpang daw maden jat a N.C.S jawng kaw lung hpang ai.
1964:   Maymyo Colgate Memorial School kaw na tsang shi san poi awng ai.
1968:   Mandalay Arts and Science University kaw na English major hte janmau lu ai.
1960-1970:  Census Department hte Working People’s Daily shi laika dap hta shang galaw ai.
1971-1974:  Myitkyina Kolik, English Department hta Tutor galaw ai.
1974:   Sumtsan Makyit Mahkai Hkringmang Rung (MOFA) hta mu gun hpang ai.

May 1, 1976:     Mungya Duwa Lahtaw Hkun Naw hte Du jan Maran Nang Htang a kasha Lahtaw Nang Hkam hte  dinghku de ai. (La kasha 3 the numsha 1 shangai chyinghkai lu sai.)

1978: Yangon Jinghpaw Wunpawng Hkalup Hpung (YJH) ngu daidaw la lu na matu, Buga Hpung hkrang hte maren shawng hpaw ninghtan sa wa ai Hpung Kongsi a Amu Madu hku nna gunhpai ap nawng wa sai.
1980-1983: Japan mung Tokyo mare e nga ai Myen mung Sumtsan Salang Rung hta Second Secretary/Assistant Commercial Attache aya shatsam la hkrum ai.
1984-1985: Tokyo mare kaw hpaji hpung jat la ai.
1986-1988: Assistant Director, MOFA.
1988-1992: Paris mare e rung jung ai Myen Mung Sumtsan Salang Rung e France, Spain, Switzerland,  Algeria  mung dan ni hte seng ai Deputy Chief of Mission hte Mungkan Wunpawng Laili Laika  Htung Hkying Hpuntang Hpaji Zinlum Rung UNESCO hta Deputy Permanent Delegate lit gunhpai ai.
1992-1996: Acting Director, East Asia and Pacific Division Political Department, MOFA
1994-1995, 1996-1997: YJH Hpungtau magam bungli hpe ningdaw lahkawng ap nawng gunhpai ai.
1997-2000: Minister Counselor, Deputy Chief of Mission, Embassy of Myanmar in Tokyo, Japan.
2001-2005: Director, Protocol Department, MOFA.
2002-2003, 2004-2005: YJH Hpung Kongsi Ningtau Ningbaw lit hpe gunhpai wa ai.
2003-2004: Yangon Jinghpaw Wunpawng Hkalup Hpung, Hpung Kongsi Ningtau Ningbaw lit hpe gunhpai  wa ai.
2005- 2007: Minister Counselor and Deputy Head of Mission, Embassy of Myanmar in Moscow,   concurrently accredited to Ukraine and Belarus.
2008: Pension la ai hpang Green Hills Academy hte Myanmar International School Yangon hpaji  ginra ni hta yu lajang garum shingtau nga ai.
2008-2009, 2010-2011: YJH Bawng Ring Komiti Hpa-awn hku nna shatsam da hkrum ai hte ap nawng         dawjau nga ai.





Duwa Hkun Myat
(1979)

October 25, 1952:     Manmaw Ginawng Sinlum Kaba hta Duwa Lahtaw Zau Tang hte Du Jan Lahkum  Lahpai Ja Tawng  yang kaw nna shangai chyinghkai wa ai. La ntang re. Pangmu Duwa  Rev. Lahpai  Zau Tu daidaw lekmat jaw kyu hpyi shaman jahtawng htu amying gaw  Lahtaw Hkun Myat re.
February 6, 1966: Myitkyina mare, Jinghpaw Wunpawng Hkalup Hpung (Geis Masat) Sara Kaba Rev.Lashi Brang a lata hta hkalup hkam la ai.
1957 - 1972:    Nmawk, Myitkyina mare na, KBHS, asuya lapran tsang (2), lahta tsang (3) kaw tsang  9 awng nna, Yangon, Insein asuya lahta tsang jawng (1) hta tsang 10 hpe awng la ai.  1973 - 1978:  Rangon Arts And Science University kaw nna B.Sc (Physics) janmau hpe gup la ai. Dakkasu lung nga ai ten hta Jinghpaw Wunpawng Hkristan nawku hpawng hta Amu  madu hte mahkawn hpung hkan shang lawm ai. Yangon Dakkasu Jinghpaw Wunpawng   Laili Laika hte Htunghking hpung Amu madu galaw sai.
February6, 1966: Myitkyina mare, Jinghpaw Wunpawng Hkalup Hpung (Geis Masat) Sara Kaba Rev.   Lashi Brang a lata hta hkalup hkam la ai.
1957 - 1972: Nmawk, Myitkyina mare na, KBHS, asuya lapran tsang (2), lahta tsang (3) kaw tsang  9 awng nna, Yangon, Insein asuya lahta tsang jawng (1) hta tsang 10 hpe awng la ai.
1973 - 1978: Rangon Arts And Science University kaw nna B.Sc (Physics) janmau hpe gup la ai. Dakkasu lung nga ai ten hta Jinghpaw Wunpawng Hkristan nawku hpawng hta Amu madu hte mahkawn hpung hkan shang lawm ai. Yangon Dakkasu Jinghpaw Wunpawng Laili Laika hte Htunghking hpung Amu madu galaw sai.

May14, 1977:

Yangon mare U wisara lam kaw nga ai Sara Lamai Tu hte Sara Jan Gawzam Nang   Bawk yan a kasha Sarama Lamai Bawk Tawng hte Yangon Jinghpaw Wupawng Hkalup hpung, Hpung Up Sara Kaba Rev. Nhkum Zau Seng  hte Judson Nawku jawng Hpung Up Sara Rev. Arthur Ko Lay yan a lata hta Hkristan dinghku de sai. Karai Kasang jaw  ya ai kashu kasha, shadang sha langai hte shayi sha langai hpe lu la sai.
1979: Yangon Jinghpaw Wunpawng Hkalup Hpung Amu madu malai galaw ai. Dai hpang  Amu Madu lit hpe matut gunhpai ai. Amu Madu galaw ai hpang, La Komitit Hpa-awn matut galaw ai.
1978- 2011: Import, Export, mawdaw hpaga bungli galaw ai. Golden Burma/Golden Myanmar  Trading Company, Hkakaborazi Travel and Tour, Myanmar Seilone Company. Bankok  Airways a matu Advisor for Myanmar Business Development. Simsa lam tam lapran  salang galaw nga ai (Asuya hte KIO). Asuya hte (NMSP, KNPP, KNU, Myen hteThai jarik manghkang) lapran salang galaw lai wa sai. 1998 kaw na dai ni du hkra “Metta Development Foundation” a Board of Director galaw nga ai.
1995: Myen mungdan Asuya kaw nna  (လူမႈထူးခၽြန္ဆု ပထမဆင္႔) shagrau masat ya ai hpe hkam la lu ai.
2004-2008: Myen mungdan Asuya kaw nna woi awn galaw ai National Convention (NC) hta  datkasa langai hku nna (အမ်ိဳးသားညီလာခံကိုယ္စားလွယ္) shang lawm lu ai.
2006 - 2007, 2008 - 2009: Yangon Jinghpaw Wunpawng Hkalup Hpung a Hpung Kongsi Hpaji jaw hku nna  ap nawng dawjau lai wa sai.
2010 - 2011: Yangon Jinghpaw Wunpawng Hkalup Hpung, Hpung Lamu Ga Komiti  hta shang lawm gunhpai nga ai.





Sara kaba Marip Ja Naw
(1980-1991)

1931 ning, May 26:    Dingdung Sam mung, Namhkam mare kaw, Slg. Marip Tu hte Jan Lamai Htu yan kaw nna shangai chyinghkai dat ai shadang sha re. Kahpu kanau marai (8) kaw nna Ma Naw mahtang re.

1936-1939:     ABM Ingalik Jawng, Namhkam
1939-1941:     ABM Jinghpaw Jawng, Namhkam
1945-1947:     ABM Ingalik Jawng, Namhkam
1947-1949:     Colgate Lahta Tsang Jawng, May Myo (Pyinoolwin) kaw tsang (8) awng ai du hkra hpaji sharin lai wa sai.

1953:        Namhkam mare kaw, Tsi Rung Sarama Kaba Esther Po hte Hpung Up Sara U Po Win a lata hta hkungran ai re. Shayi sha (2) hte shadang sha (2) shangai shaprat lu ai.
1. Marip Ja Nan + (Labang Tang Gun)
2. Marip Ja Li @ Charlie + Naw Hser Nay Moo
3. Marip Ja Naw Jr. + Lazing Lu Nan
4. Marip Ja Bawk @ Bawky + Ndau Naw Lawn

1952-1962: Namhkam kaw nga ai Dr. Seagrave a Sasana Jawng rai nga i“ShweliValleyHighSchool”  Dai ni No.2 Lapran Tsang Jawng) kaw Jawng Sara galaw lai wa sai.
1966-1967: Hpa-hkraw Hpaga Seng (လက္ဘက္ေျခာက္ အ၀ယ္ဒိုင္) kaw magam gun lai wa sai.
1968-1969: Loke-Tha Hpalap Seng (လုပ္သားလက္ဘက္ရည္ဆိုင္) kaw manager galaw lai wa sai.
1969-1974: Namhkam Tsi Rung kaw Chyare bungli galaw gunhpai lai wa sai.
1974-1978: Namhkam ninghtawn, Bamma Dingsa Kahtawng a aten chyen Mare Kongsi Dat Kasa   (အခ်ိန္ပိုင္း ျမိဳ႔နယ္ေကာင္စီ ကိုယ္စားလွယ္) hku nna magam gunhpai wa sai. Gawdin (Football) ginsup ai lam hta grai ningtawn ai, Tennis ginsup ai lam hpe mung grai sharawng ai. Namhkam Mare (နမ္႔ခမ္းျမိဳ႔နယ္) a matu awng padang law law hpe lu la wa hkra galaw ya lai  wa sai re.
1975-1996: Myen Mung Hkalup Hpung Ginjaw (MBC), Laili Laika Dip Shabra Dap (Publication Department) hta (21) ning tup magam gunhpai wa sai.
1978: Myen Chyum Jawng (MICT, Insein) kaw nna B.Min (Bachelor of Ministry) Chyum Janmau hpe gup la lu sai.
1978-1995: Yangon Jinghpaw Wunpawng Hkalup Hpung a Amu Madu magam lit hpe (17) ning tup gunhpai lai wa ai. Yangon de du wa ai aten kaw nna, Jinghpaw Nawku Hpung hta dingyang shang lawm  lai wa sai re. Yangon Jinghpaw Wunpawng Hkalup Hpung byin tai wa na matu mung, Buga  Hpung a matu lamu ga htingra lu la wa na matu mung grai atsam dat shakut shaja lai wa sai.
Yangon kaw nga nga ai aten ni hta, Ginwang, Buga shara shagu de na du sa ai malet nhprang manam ni hpe hkap tau karum la ai, Hpaji tam sa ai Jawngma ni hpe nta kaw woi nga ai, machyi makaw hkrum nna Yangon de tsi tsi lajang hkam la na matu du sa ai ni hpe hkap tau karum la ai, si hkrung si htan hkrum ai ni hpe makoi mayang na lam hte seng nna tsep kawp lit la galaw ya lai wa sai re.
1999-2005: KBC, Mungmau Ginwang a Hpaji Jaw (Adviser) hku nna ap nawng magam gun wa ai.
2008 ning, February 21:

Namhkam mare dum nta kaw, Madu Yesu hta yup pyaw mat wa sai re. Shi n               nga mat wa ai ten hta, ningrum ningtau jan Sarama Kaba Esther Po hte kasha            (4), kashu (14), shu mashi (5) ngam nga ai re.

Rev. Hpakawn Awng Gam
(1997-1999, 2006-2009)

May 23, 1962:      Hkawan Bang mare, Nmawk Ninghtawn, Manmaw Ginwang hta shangai ai. Nu yan  wa gaw Salang Maran Tu hte Jan Lahkum Lahpai Nang Hka rai nna, kanau ni la  sha 3, num sha 2 re. Kasha mashawng malat re.
1981:   Tsang (10) hpe Pyin Oo Lwin kaw awng la ai;

1990:   MIT kaw na Bachelor of Theology (BTh) Chyum Hpaji janmau hpe gup la ai.
1990 – 1991:   Assistant Pastor (National Baptist Church, Sinlan, Pyin Oo Lwin)
1994:   MIT kaw na Bachelor of Divinity (BD) Chyum Hpaji janmau hpe gup la ai.
1994 – 1996:    YJH Ramma Komiti Lithkam galaw lai wa sai.
1995 – 1997:    Lawu Ga Ginwang (LGZ) Ramma Hpa-awn lit hpe gunhpai ai.

1997 – 1999:    YJH Hpung Kongsi Amu Madu lit hpe gunhpai ai.
1997 – 1999:    MBC Ramma Komiti hta Malawm hku shang lawm lai wa sai.

1998 – 1999: MBC Hkristan Hpaji Dap hta Malawm hku shang lawm lai wa sai.
2000          : Candler School of Theology, Emory University, Atlanta, Georgia, USA kaw nna Master of  Theology (MTh) Chyum Hpaji Janmau hpe matut gup la lu ai.
2001          : Grass-root Leadership Training (Wong Sanit Atsharam, Thailand), Clinical Pastoral  Education (Basic Unit, Crowforth-long Hospital, Atlanta, GA)

June 17,

2001          :

Shayi Bamwaw Hkawng Yang hte Hkristan Dinghku de ai. Kasha Maran Zai Zet Awng hpe August 23, 2005 ya hta shangai shaprat la lu ai.
2003          : Clinical Pastoral Education (Residency, Shand Hospital, Jacksonville, Florida, USA)
2006 October 9               : Mandale Jinghpaw Wunpawng Hkalup Hpung hta galaw ai Lawu Ga Ginwang Kasa   Hpawng hta Sari lu Hpung Up lata mara hkam la sai.
2006 – March 2009 YJH Hpung Kongsi Amu Madu lit hpe bai gunhpai ai.
May 2009   : Lawu Ga Ginwang (LGZ) a Amu Madu lit hpe gunhpai nga ai.



Rev. Maran Zau Seng
(2004-2005)

1966 ning June 21:    Dingda sam mung, Mungji, Kying Hkung, Ping Hkan Pa Mare kaw shangai ai. Kanu  kawa gaw Maran Zau Nan hte Maraw Hkawn Ja rai nga ai.
1968:    Asak  lahkawng ning daram hta Kutkai de htawt wa sai. Jawng kaji kaw nna tsang  matsat du hkra Kutkai kaw lung ai.
1988:    Tsang jahku hte shi hpe Yangon, Lanmadaw No. (2) (St. John) kaw lung nna tsang 10  hpe Pyin Oo Lwin kaw awng sai. 1988 ten Yangon Dakasu, Hlaing kaw lung nga yang  mung masa a majaw, jawng daw daw mat sai.

1989-90:     Hpakant, Mogok hkan du hkawm ai.
1991-94:     Myanmar Young Crusaders (MYC) kaw nna hpaw ai Faith Baptist Bible School ngu ai Chyum jawng kaw na Graduate of Theology (G.Th) janmau hpe lu la sai.
1995-99:     Myanmar Institute of Theology, Insein kaw na B.Th janmau hpe lu la sai.

1999 September: Yangon Jinghpaw wunpawng Hkalup Hpung (YJH) kaw shawng ningnan na Laika   dum lithkam (Librarian) shang galaw sai.
2000: YJH Aten Hpring Hpung Woi hku nna shatsam ai hpe hkam la sai.
2001-2003: Hkristan Hpaji Dap karum, Ramma lithkam, Hpung Kongsi Ningtau Amu Madu hte THE TRUTH Hpung shiga laika lithkam bungli ni hpe gunhpai lai wa sai.
2004-2005: YJH Amu Madu lit hpe gunhpai ai.
2006 October 9: Lawu Ga Ginwang Kasa Hpawng hta Sari lu Hpung Up lata mara hkam la sai.
2006- 2007: Retreat Centre Komiti Hpa-awn lit hpe gunhpai ai.
2008-2009: La Komiti Hpa-awn hpe galaw sai.
2010-2011: Ramma Komiti Hpa-awn galaw nga ai.
2011 March 5: MIT kaw na M.Min janmau hpe gup la lu ai.




Sarama Lahpai Ja Hpang @ Khin Win Kyaw
(1999- 2003, 2009-2011)

March 2, 1954:    Sam Mung Ginwang Namtu mre hta Tsi Sarama Kaba Matron Lahpai Nang Grawng  hte U Kyaw Zwa yan kaw nna shangai chyinghkai wa ai rai nna, kahpu ni marai (3) rai  nga ai.
1972:     Tsang (10) hpe awng lu lu ai.
1977:     B.Sc (IC) janmau hpe gup la lu ai.
1977-1979:     Baw Saing Middle School kaw Jawng Sarama galaw lai wa sai.
1979:        Hpt. Lashi Labya La Bawk hte Hkristan dinghku de ai hte La kasha masum shangai

1981-1982:    MCC Ramma Dap, Myitta Mun Sewing Training Center ni hta ap nawng lai wa sai.
1996-1998:    MIT kaw nna BRE Chyum Hpaji Janmau hpe gup la lu ai.

1990-2003: YJH Ningtau Amu Madu hte Amu Madu lit ni hpe gunhpai wa sai.
2006-2009: MIT kaw na M Div Chyum Hpaji Janmau hpe gup la lu ai.
2009- Ya ten du hkra YJH Amu Madu lit hpe gunhpai ap nawng nga ai. MIT Jawngma Dingsa Hpung (MIT AA) hta Finance Committee Chairperson hku nna mung lit la woi  awn nga ai. MBC Sasana (200) ning hpring Chyeju Shakawn Hpawng Main Komiti  malawm hku mung shang lawm nga ai.
Kaga shang lawm lu ai bungli ni: MBC/ MCC (Num Komiti malawm)
YCC (Num) kunhting (one term)







Hpung Up Kaba Ni

Rev. Jacob Nhkum Zau Seng
(1971 - 1979)

I. Shangai Chyinghkai ai lamRev. Maran Yaw
Rev. Nhkum Zau Mai hte Jan Am Hping yan kaw na, 1910 ning December 25 ya shani, Dingdung Sam Mung Namhkam mare e shangai ai kasha alat rai nga ai. Asak 13 ning hta e, Rev. U Hpu Sein a lata hta hkalup hkam la sai.

II. Hpaji Sharin ai lam
Manmaw, Lashio ni hta e Jawng lung wa sai. Tawnggyi ABM Jawng kaw, 1923 ning hta e Tsang 10 hpe awng la sai. 1934 ning hta, Yangon Dakkasu, Judson College kaw na Junior I.A Class hpe awng la lu sai.

III. Asuya Magam Bungli gunhpai ai lam
1934 ning Septembet 3 : Apprentice Clerk, Lashio
1935 ning March 1 : 3rd Clerk, Namhsan
1937 ning November 1 : 2nd Clerk, Namhsan
1945 ning November 1 : Head Clerk, Namhsan
1947 ning May 25 : Jawng Up, Vice-Chairman, Managing Committee for Kachin Co-operative Society, Kutkai
1947 ning November 16 : Kachin Amat, Mantung Kodawng Hill tracts
1948 ning August 16 : Temporary Assistant Resident, Namhsan & Momeik
1948 ning September 10 : Assistant Resident, Momeik
1955 ning July 1 : Assistant Resident, Kutkai
1956 ning August 7 : Resident, Loilen
1957 ning June 1 : Resident, Hopang, Lashio
1960 ning November 7 : Resident, Kengtung
1962 ning June 7 : Special Commissoner, Kengtung
1963 ning January 14 : Special Commissioner, Taunggyi
1963 ning March 8 : Commissioner, Taunggyi
1966 ning December : Commissioner Retired, Yangon

IV. Dinghku de ai lam
1939 ning April shata (26) ya shani hta, Lashio Ginwang Manmak Duwa Hpunggan Lahpai Duwa Zau Tang hte Du Jan Maran Kaw Hpang ya a kasha alat Hpunggan Lahpai Nang Seng hte dinghku de nna kasha marai (8) hpe shangai shaprat lu ai hta, ya marai (5) naw nga nga ma ai.

V. Hpung Magam Bungli gunhpai ai lam
Asuya magam bungli kaw na hkring sa ai hpang, 1966 ning hta, Yangon de htawt nga sai.

1968-1970 : Insein BDS (Burma Divinity School, ya MIT) hta Chyum Hpaji hpe sharin hkam la sai
1971 ning March 6 : U Naw Nawku Hpung hta Lata mara Hpung Up aya dang la sai.
1968-1971 : Insein Myen Chyum Jawng (ya MICT) a Board of Trustees malawm
1975-1976
: BBC (ya MBC) a Kabu Gara Shiga hte Sasana Dap malawm, YMCA, BCC (ya MCC) hta mung, YCC hta mung Kongsi malawm hku nna shang lawm lai wa sai.

Rev. Mooler a Sasana Campaign hta shang lawm nna Kayin, Hkang, Rahkaing mung de hkaw tsun sakse hkam hkawm sa lai wa sai. U Naw Nawku Hpung kaw galaw nga dingyang, kaga mare shingnawm de nga ai Nawku Hpung ni hta Ningtau Hpung Up hku nna gunhpai lai wa ai.

Yangon Dakkasu wang, Judson Nawku Htingnu hta e hpawng nga ai, Jinghpaw Wunpawng Dakkasu Jawngma ni hte Yangon de htawt yu wa ai Jinghpaw Wunpawng hpung masha ni a Kanawn Mazum Nawku Hpawng hta mung, aten hpring Hpung Up hku nna lit la gunhpai wa sai. Laban bat shagu woi awn nna, Shata shagu na Poi Daw hpe mung woi awn jaw ya lai wa sai. Yangon kaw du nga ai Jinghpaw Wunpawng Hkalup hpung masha ni gaw, Buga Hpung langai a hkrang hku nna woi jasat sa wa nga ai aten hta e, Jinghpaw Wunpawng Hkalup Hpung masha ni hpe kanu kawa tai, n-gun jaw lam woi zinlum lakawn la nga ai, Shawng nnan na Hpung Up Sara Rev. Nhkum Zau Seng gaw, 1979 ning January 6 ya shani Karai Kasang hpang de wundoi mat wa sai.
Rev. Maran Yaw
(1980 - 1997)

Daidaw Buga
Manmaw Ginwang, Sinlum ninghtawn, Gauri krung, Mungga hkran, Kadaw Kahtawng na Nat Hkinjawng Maran La Wa hte Prang Hudung na Jangma Kaw yan a shadang sha shingtai re. 1934 ning March 14 ya shani shangai ai.

Jawng Laika Hpaji

Lawu Tsang Hpaji : Kadaw, Hpakawn kahtawng
Lapran Tsang Hpaji :
Sinlum mare
Lahta Tsang Hpaji : Kachin Baptist High School-KBHS, Myitkyina

1954 ning hta Matric (Tan 10) awng la lu sai re.
1954-1959 B.Th (MIT, Insein)
1980-1982 B.D (Chung Chi College, Hong Kong)
3 months course Trinity College, Singapore
1985-1986 OMSC (Oversea Mission Study Centre, New Jersey, USA)

Dinghku de ai lam
Sarama Lasi Doi Ling hte 1960 ning, April 28 ya shani hta e Hkristan dinghku hpe de ai. Kasha marai (8) hpe shangai shaprat lu sai hta, ya shayi (6), shadang (1) yawng dinghku hte rai nga ai. America kaw dinghku (5), Myen mung kaw dinghku (2), kashu ni yawng (19) rai nga ai.

Sasana Bungli Mahkrun
1950 ning December 16 ya shani Mali Hka e Sara Kaba Tegenfeldt a lata kaw hkalup hkam la sai. 1954 ning hta shawng na Jinghpaw Ingalik Chyum Jawngma hku Insein, Burma Divinity School (BDS) kaw sa lung hpang sai. Chyum Jawng lung nga ai aten hta, Judson Nawku Jawng kaw dingyang shang lawm nawku ai. Jinghpaw Hkristan Jawngma Kanawn Mazum Hpung hpe woi awn hpaw hpang ai. Kanbe Nawku Hpung hta, Rev. Judson Aung a Ningtau hku karum, Mingalondon, Yankin, Kandawgyi na hpyen la dingsa hpun gmasha ni hpe kawan katsan lai wa sai.

MBC Ramma hte Laili Laika amu hta shang gunhpai lawm ai. 1956 ning, Bangkok kaw galaw ai Sinpraw Dingda Asha Chyum Jawngma/Sara Zuphpawng (SEAGST) hta, BDS Jawngma dat kasa hku nna Jinghpaw Jawngma ni a malai sa du shang lawm lu sai re.

1959 ning hta KBC Ramma Amu Madu, KBC Num Hpung Ginjaw Amu Madu lit ni hpe gunhpai lai wa sai. MBC Ramma lit, Manmaw mare Roberts Hkalup Hpung a Hpung Up, Manmaw Ginwang Amu Madu magam bungli ni, hpe gunhpai ai.

1969 ning e Myitkyina Hkristan Dakkasu Jawngma Kanawn Mazum Hpung (University Christians Fellowship- UCF) a Hpung Up, KBC Sasana Magam, Laili Laika Sasana lit, Galile nga nawng Amu Madu lit ni hpe gunhpai lai wa sai.

1978 ning hta, Yangon de htawt yu wa ai hpang, MBC wang kaw nga nna, Jinghpaw Chyum Htai Laika (Commentary) gale ai amu hpe galaw wa sai. Judson Nawku Jawng na Jinghpaw Wunpawng Hkristan Kanawn Mazum Hpung hta mung Rev. Nhkum Zau Seng hpe karum ai hku nna Ningtau Hpung Up lit hpe gunhpai wa sai. 1980 kaw nna 1997 ning du hkra YJH a Hpung Up lit hpe shakut shaja ap nawng gunhpai wa sai re.

1992 ning hta Asha mungdan Japan, Singapore, Malaysia, Bangkok, Chiangmai, Banmai Samahki Jinghpaw kahtawng hka e nga ai Buga amyu sha, hpung masha ni hpe gawan n-gun jaw da lu ai. Dai Sasana hkrun lam hta Japan Tokyo Peace Church kaw Jinghpaw Hkristan Hpung, Bangkok, Sukumvit Calvary Church kaw Myen Nawku Hpung ni hpe hpaw hpang da ya lu sai.

1997 ning February hta Calvary Church, Washington DC e lit shatsam ai hte Myen Uhpung Uhpawng a Sasana Sara (Missionary to the Burmese Community) magam hpe masum ning galaw lai wa sai. Ya aten hta Calvary Burmese Church, Washington DC Hpung Up Sara Saw Ler Htoo hpe karum shingtau ap nawng nga ai.

Rev. Maran Zau Yaw
(1998 - 2004)

I. Shangai Chyinghkai ai lam
Dingdung Sam Mung, Muse ninghtawn, Namhkyek mare e 1930 ning December 27 hta, Namhkyek Duwa Zau Tawng hte Du Jan Ja Doi yan kaw nna shangai chinghkai wa ai. Kahpu kanau marai (6) kaw na hpungdim mahtang rai nga ai.

II. Hpaji Sharin la ai lam
1938-1946 : Namhkam mare kaw hpaji hkaja hpang wa nna Tsang (5) hpe awng la sai.
1945-1950 : May Myo (Pyinoolwin) Colgate Lahta Tsang Jawng kaw hpaji matut sharin nna, Tsang shi San Poi hpe awng la lu sai.
1957 : Yangon Dakkasu kaw na B.A, B.L Tara Masa Hpaji Janmau hpe gup la lu sai.
1963 : Du Kaba Lahpai Hkun Nawng a shayi sha Sarama Lahpai Htu Raw hte Rev. Sumlut Tu Lum a lata hta Namhkyek mare kaw, Hkristan dinghku hpe de la sai. Kasha (3) hpe shangai shaprat la lu ai.
III. Karai Kasang a Ningsang Magam hpa gunhpai ai lam
1. Judson Nawku Hpung
1956-1959: Rung Chyare (Judson Church Clerk), Student Christian Movement (SCM) a Amu Madu, Student Centre Director hku nna gunhpai wa sai.

2. Myen Mung Hkalup Hpung Ginjaw (MBC)
1959-1965: Judson Student Aid Program Director
1966-1981: MBC Kunhting
1982-1983: MBC Ginrun Amu Madu
1984-1989: MBC Amu Madu
MBC hta magam gun nga ai shaloi, Mungkan Hkalup Kanawn Mazum Hpung (Baptist World Alliance-BWA) a General Council hta malawm hku nna shang lawm wa sai. Mungkan Hkalup Hpung Sasana (Baptist Council of World Mission-BCWM) a Ningbaw (Moderator) hku nna mung gunhpai lai wa sai.

3. Myen Mung Hkristan Hpung Kongsi (MCC)
1984-1992: MCC Ningtau Ningbaw
1992-2000: MCC Ningbaw
Mung Shawa Kanawn Mazum Komiti malawm hku nna mung, Hkristan Nawku Hpung ni a Up Hkang Hpung hta Ningbaw hku nna mung, Htinglu Htinglai Lam hte Simsa Lam Komiti a Ningbaw hku nna mung gunhpai lai wa sai.

4. Insein Myen Mung Chyum Dakkasu (MIT)
1989-2000: MIT Board of Trustees malawm
2002 : MIT kaw nna shagrau ai Fellow of Distinguished Christian Service (FDCS) hpe shagrau hkam la sai re.

5. Young Men Christian Association (YMCA)
1982-1985: Myen Mung YMCA Amu Madu
1980-1986: Yangon YMCA Ningbaw, Bot masha kaba

6. Myen Mung Chyum Laika Hpung (The Bible Society of Myanmar)
1994: Bible Society a Bot malawm
1995-2004: Bible Society a Ningbaw
1996 ning September 26-October 3 ya laman: Canada, Toranto mare hta galaw ai United Bible Society World Assembly de sa du shang lawm lu ai.
1997 ning September 29-October 3 ya laman: Bangkok mare kaw galaw ai Asia Pacific Bible Society Leaders’ Consultation de sa du shang lawm lai wa sai.
2004 ning August 24-27 ya laman: UK Wales kaw galaw ai UBS World Assembly de mung sa du shang lawm lai wa sai.

Rev. K.D Tu Lum
(2005 - )












April 27, 1949 : Hpt. Sara Hkangda La hte Sarama Lahtaw Ja Tawng yan kaw na Sam Mung, Nampaka mare hta shangai chyinghkai wa ai.
1972 : Lashio kaw na Tsang (10) awng la ai hpang, 1967 hta Chyum Jawng sa lung ai. Burma Divinity School (BDS, ya MIT), Insein, Yangon kaw na B.Th Chyum Janmau hpe gup la sai.
1972-1976 : Lashio Buga Hkalup Hpung a Amu Madu lit hpe gunhpai lai wa sai.
May 11, 1974: Sarama Mahka Htu Bwi hte dinghku de nna, kasha 7 (La- 5, Num-2) shangai shaprat lu sai.
1983
MIT kaw e Chyum Hpaji bai hpung jat ai hte B.D Chyum Janmau hpe shangut la lu sai.
1983-1987
SGZ (Sam Mung Ginwang) a Hkristan Hpaji Dap Hpa-awn hku nna magam gunhpai ai.
1987-1990
Switzerland mungdan kaw Chyum Hpaji bai hpung jat la ai hta, M.Th Chyum Janmau hpe hkam la lu sai.
1990-1997
SGZ Amu Madu lit hpe ap nawng gunhpai wa ai.
1997-2003
MBC (Myen Mung Hkalup Hpung Ginjaw) a Ningtau Amu Madu hku nna gunhpai ai.
2003- 2009
MBC Amu Madu Kaba lit kaba hpe woi awn gunhpai nga ai.
1997-2005
YJH (Yangon Jinghpaw Wunpawng Hkalup Hpung) a Ginrun Hpung Up hku nna ap nawng wa ai.
2006-2007
YJH a Hpung Kongsi Ningbaw lit hpe gunhpai wa ai.
2008-2009
MIT Inglik Chyum Dakkasu a Trustee Ningbaw.
2008-2010
Myen Mung Hkristan Kongsi (Myanmar Council of Churches-MCC) a Ningbaw Kaba lit hpe shatsam hkrum ai.
2010-2013
KBC Ningbaw Kaba lit hpe gunhpai ai.
2005 -
ya du hkra: YJH a Hpung Up Sara Kaba hku nna gunhpai nga ai.







YJH Labau (1979~2011)

Yangon Jinghpaw Wunpawng Hkalup Hpung a Labau KADUN (1979 - 2011)
Ga Nhpaw
Yangon Jinghpaw Wunpawng Hkalup Hpung (YJH) a (32) ning labau hpe shaning aten ladaw (Timeline) hta hkan nna grau ahkyak ai lam ni hpe, Daw (3) hku garan nna kadun ai hku sha tang madun mat wa na ga ai.
A. Buga Hpung rai n byin shi ai shawng na daw (1884 - 1978)
B. Judson Church kaw Nawku ai daw (30.9.1979 - 23.11.1997, 18 ning)
C. YJH Nawku Htingnu Kaba kaw Nawku hpang ai daw (23.11.1997 - 30.9.2011, 14 ning)

A. Buga Hpung rai n byin shi ai shawng na daw
(1884 - 1978)
1884 : Damau Naw, Lashi Hkang Htang, Nangzing Brang ni Yangon de jawng sa lung sai.
1917-1921 : Subedar Jinghpaw Gam (OBE), Jemada Sawan Tang, Jemada Gawlu Gam ni hte hpyen la (428) gaw Yangon hpe lai nna, No.1 Mungkan Majan Europe Mungdan hkan hpyen la (60) asak sum hkam hkra hpyen gasat hkawm nga sai.
1954 : Jinghpaw ma ni marai (6), Insein Inglik Chyum Jawng hta sa lung hpang sai.
1955-1956 : Mingalardone, Yankin, Kandaw Gyi Jinghpaw hpyen la ni hte Nawku ai lam galaw ma ai. Botahtaung Capt. Dau Hkawng a nta e, Jawngma ni hte Asuya magam gun ni Nawku ma ai.
1960 : Dakkasu sa lung ai (40) grupyin du sai.
September 3, 1963 : Judson Center kaw Hkalup, Anglican, Kahtawlik hte Shanglawt Hkristan Dakkasu Jawngma ni, Sara Kaba Maran Zau Nan woi awn ai hte Jinghpaw Laili Laika hte Htunghking Hpung hpe hpaw ninghtan let, Jinghpaw Wunpawng Hkristan Kanawn Mazum Hpawng hpe galaw hpang sai. Judson Church kaw Nawku lu na ahkang hpyi ai hte Laban jahpawt hkying 8:30 hta Jinghpaw ga hku, masha (100-150) hte Nawku lu sai. Inglik Chyum Jawng kaw lung nga ai Du Kaba Major Ja Naw, Sara Lahpai Zau Lat, Sara Sinwa Naw ni hte kaga Hkristan Hpung na Hpung woi ni woi awn ai hte Nawku wa sai
March 6, 1971 : Du Kaba Jacob Nhkum Zau Seng Inglik Chyum Jawng lung la ngut ai hpang, U Naw Church kaw Sari lu Hpung Up dang la ai hte, Judson Hkristan Kanawn Mazum Nawku Hpawng a shawng nnan na Hpung Up tai wa sai.
1978 : Dakkasu sa lung ai (40) grupyin du sai.
January 6, 1979 : Rev. Maran Yaw MBC kaw Chyum Laika gale nga let Rev. Jacob Nhkum Zau Seng hpe karum shingtau ya ai.
1978-1979 : Buga Hpung langai a hkrang masa hku nna woi jasat sa wa ai hta shawng nnan na Hpung Kanu Kawa ni;
1. Du Kaba Lahpai Shan Lum (Ningbaw)
2. Sara Lamai Tu (Ningtau Ningbaw)
3. Duwa Lahpai Zau Gun (Amu Madu)
4. Duwa Lahtaw Hkun Myat (Amu Madu)
5. Sarama Kaba Lazum Lillian Hka Nau (Kunhting)
6. Duwa Shanghtin Gam (Hpungtau Hpa-awn)
7. Sara Sumlut Naw (Ka Matsing)

B. Judson Church kaw Nawku ai daw (30.9.1979 - 23.11.1997, 18 ning )
September 30, 1979: KBC kaw nna Buga Hpung langai hku nna masat la ya sai hte, Yangon Jinghpaw Wunpawng Hkalup Hpung hpe shangai daidaw dat sai. Buga Hpung byin tai wa hkra shakut shaja lai wa sai Kanu Kawa ni;
1. Du Kaba Lahpai Shan Lum
2. Sara Labya Gam
3. Jan Sarama Hpang
4. Sara Lamai Tu
5. Rev. Lahpai Zau Lat
6. Sarama Kaba Lazum Lillian Hka Nau
7. Duwa Shanghtin Gam
8. Sara Lazum Htang
9. Sara Sumlut Naw
10. Duwa Mahka Kam Htoi
11. Sara Marip Ja Naw
12. Slg. Saga Brang
13. Slg. Hparaw La Awng
14. Slg. Labya Naw Lum
1990 :
Myenigone, Zay Street, No. 68 (ya Mali Hku Lusha Seng) hpe Lap Sen (12) hte mari da lu sai hte, Dakkasu Wang, Judson Church kaw n mai Nawku ai ten ni hta Nawku lai wa sai. Num, La, Ramma Kanawn Mazum Hpawng ni, Hpung Jawng ni, Hpung Kongsi Hpawng ni hpe galaw ai Hpung Ginra tai wa sai.
July 3, 1992 :
YCDC de Sanchaung Kayin Hkristan Lupwa dingsa shara hpe hpyi shawn na matu, Du Kaba Lahpai Hkun Nawng, Duwa Dashi Tang Ji, Sara Marip Ja Naw hte Du Kaba Labya Pan Awng ni hpe Kongsi kaw nna lit shatsam ai hte hpyi shawn dat masai.
March 15, 1993 :
Laika No. 2653/0538-pnfyifom,m hte Pe (ay) 100_ 240 re ai lamu ga hpe Asuya kaw nna tara shang htingra masat ya masai.
1994 :
Duwa Shanghtin Gam woi awn nna lu da ai shara kaw lamu ga shadawn, lamu ga shara, wang kum, Nawku htingnu sumla soi hpang wa sai.
April, 1994 : Shawng nnan lang na ma ni a Ginhtawng Chyum Sharin Dabang hpe Insein MIT kaw e galaw hpang sai.
1995 : Duwa Labya Pan Awng Htingnu Gawgap Komiti Hpa-awn lit hpe gunhpai sai.
April, 1995 : No. 1 lang ngu na Ramma Camp hpe Nga Pali Beach kaw galaw lu sai.
December 15, 1995 : Nawku Htingnu hkrang masa hte masat shadaw jung ap Nawku Kyu Hpyi Hpawng hpe jahpawt hkying 7:00 hta galaw ai.
January 8, 1996 MIT Chyum Jawng Up Usa Rev. Dr. Chit Maung kyu hpyi ap nna, Ningpawt Dawhpum masum hpe jahpawt hkying 8:00 hta, gaw sharawt hpang sai.
March 13-15, 1996 : No. 1 lang na Junior High Camp hpe Chaungtha Beach kaw galaw lu ai.
1996 : Dakkasu Jawng pat mat ai majaw, ngut wa maga rai wa sai Htingnu lapran htap de htawt nna Nawku ai lam galaw ai. Htingnu gawgap nga ai ten, ya na tsingdu pa kaw gap da ai nta kaji (ginsum) hta e Manap Nawku Hpawng hpe woi hpawng ai gaw daini du hkra grin nga sai. Hpa-an, Me Baung Sasana hpe galaw hpang wa ai.
November 5, 1996 : Rev. Maran Yaw hkringsa mat wa ai hpang, Rev. Maran Zau Yaw Hpung Up lit hpe matut gunhpai wa sai.
November 11, 1996 : YJH gaw LGZ (Lawu Ga Ginwang) a Buga Hpung langai mi tai wa sai.

C. YJH Nawku htingnu kaba kaw Nawku hpang ai daw
(23.11.1997 - 30.9.2009, 12 ning)
November 23, 1997 : YJH Nawku Htingnu Kaba hpe masha (2000) jan hte wu wu di di rai Dingshawn shang lu sai. Mungdan Asuya Amu Madu (1) Lt. General Khin Nyunt kaw nna Shakram Mungga tsun ya sai. Mungdan Asuya Sasana Hkringmang Major General Sein Htwa mung Lai Sumri rep ai hta shanglawm sai. MBC Zuphpawng sa ai KBC shingwang na Hpung Sara/Sarama (200) jan mung shanglawm lu masai re.
June, 1998 : YJH Ma Shalet Ginra (ECCD) hpe hpaw hpang sai.
1999 : YJH Laika Dum (Library) hpe mung hpaw hpang ai. Mali Hka Gawdin Hpung hpe npawt woi hpang dat sai re.
2000 : Hlaingthaya Sasana hpe galaw hpang ai. Kabu Gara Shiga Chyam Bra Lai Ladat Sharin Hpawng (EE- Evengelism Explosion) hpe galaw hpang dat lu sai.
2001: 1:00 pm hta : Myen ga hku nna Nawku Hpawng hpe galaw hpang sai. Laydaunkkan hte Shwe Pyitha Sasana shang hpang ai.
January 7, 2001 : Rama Kaji Nawku Hpawng (Junior Church) hpe galaw hpang ai.
2002 : Yakhaing, Hkwa Sung Sasana hpe galaw hpang ai. THE TRUTH Nawku Hpung Shiga Laika hpe shapraw hpang ai.
July, 2002 : Shawng nnan lang ngu na YJH Ramma Gawdin Shingjawng Poi (Youth Cup) hpe woi hpang dat lu sai.
October, 2002 : No. 1 lang na Junior Cantata hpe galaw hpang lu dat sai.
2003 : Shwe Pyitha Sasana Ginra hpe MBCU de ap ya sai.
November 23, 2003 : YJH Buga Hpung (25) Ning Hpring Gumpraw Jubeli Kaba hpe hpung masha (3000) jan shanglawm ai hte chyeju shakawn lu sai. Jubeli VCD hpe galaw shapraw dat lu ai. La Gintawng Magazine hpe mung Jubeli Masat hku nna dip shapraw lu sai.
November 7, 2004 : Sagu Rem Kaba Rev. Maran Zau Yaw Madu Yesu hta yup pyaw mat wa sai. Rev. K. D Tu Lum Hpung Up lit hpe bai lahpa galai gunhpai wa ai re.
2005 : Dagon Myothit kaw Sasana shang hpang ai.
April 10, 2006 : Bago, Inndagaw deng (10) kaw, 12.54 Eka re ai Sun hpe n-gun awai ginra shatai na matu mari la lu ai hte M. Zau Yaw Masat Ginra (Retreat Centre) ngu masat da sai re.
July 9, 2006 : KG hte Primary Nawku Hpawng hpe galaw hpang ai.
November 25, 2007 : YJH Nawku Htingnu (10) Ning Hpring Chyeju Shakawn Hpawng hpe galaw la lu sai. Hkristan Dinghku Journal hpe shapraw hpang lu ai.
March 2, 2008 : Zinghkri YJH Hpung Shiga Journal hpe shapraw hpang sai.
July 11, 2008 : YJH a Website www.yjh1979.com hpe shalun dat lu sai.
February 10, 2008 : Ma Shalet Jawng hpaw ai (10) Ning Hpring Chyeju Shakawn Hpawng hpe galaw lu ai. Ma Shalet Jawng (10) ning hpring masat Lunghkrut Magazine hpe mung grai hkrak ai hku shapraw lu sai.
June 2, 2008 : YJH Aten Kadun Chyum Jawng Level I hpe hpaw hpang dat lu ai.
September 7, 2008 : Shawng nnan lang na YJH Aten Kadun Chyum Jawng Yu Poi hpe galaw lu ai hte Jawmgma marai -28 Level I hpe shangut la lu masai.
January 11, 2009 : Bawng Ring Tsi Gawk hpe hpaw hpang lu dat ai.
March 13, 2009 : YJH Hpung Kongsi Ningtau Ningbaw Sarama Ubyit Ja Bu hte Hkristan Hpaji Dap Ningtau Hpa-awn Sarama Lahpai Nang Htoi yan, MIT Chyum Dakkasu kaw na D.Min (Doctor of Ministry) Janmau hpe gup la lu masai re.
August 2, 2009 : YJH Aten Kadun Chyum Jawng Level II Jawng Yu Poi hpe galaw lu ai hte marai (21) jawng ngut la lu masai.
September 6, 2009 : No. 1 lang na Yangon Buga Hpung Magazine hpe YJH (30) ning hpring masat hku nna dip shapraw lu sai.
September 27, 2009 : YJH (30) Ning Hpring Chyeju Shakawn Hpawng hpe hpung masha wu wu di di rai galaw la lu sai. Ndai Chyeju Shakawn Hpawng hta YJH a labau hta shawng nnan lang na Hpungtau marai (31) hpe lata mara dang ya ai lam hpe mung galaw lu sai.
September 30, 2009 : 1979 ning YJH hpung de wa ai ten, Hpung Htinggaw (25) daram sha re ai kaw na shaning (32) ning du ai shaloi gaw, Hpung htinggaw (499), Hpung masha (2262) jan, Hpung woi (12), Hpungtau (41), Home Cell Lawk (13), Dap, Bot hte Komiti ni yawng (17) rai nga sai.
December 15, 2009 : October 30 nhtoi masat hte Nawku Jawng wang lamuga a shaning (60) ning Grant hpe atsawm sha lu la da sai re.
August 7, 2010 : Nawku Jawng a dingda maga de Mawdaw Hkringsa Shara (Car Parking) a matu Yangon Municipal ni kaw nna shaning galu shap la lu sai.
December, 2010 : Master Surf 8 Seaters1988 Sky Line Roof model masha marai matsat mai jawn ai hte, nbung katsi jak (Air conditioning) mung lawm ai Mawdaw Nnan langai hpe mari da lu sai.

(32) Ning Laman na Hpung Up, Ningbaw, Amu Madu hte Kunhting ni
I. Hpung Up Kaba ni
1. Rev. Jacob Nhkum Zau Seng (1971-1979)
2. Rev. Maran Yaw (1979-1996)
3. Rev. Maran Zau Yaw (1996-2004)
4. Rev. K.D Tu Lum (2005- )

II. Hpung Kongsi Ningbaw ni
1. Du Kaba Lahpai Shan Lum (1980-1983)
2. Sara Lamai Tu (1984-1985)
3. Duwa Shanghtin Gam (1986-1989)
4. Duwa Hpauyam La Wawm (1990-1991, 1998-2001)
5. Rev. Maran Zau Yaw (1992-1997)
6. Sarama Kaba Lahpai Nang Yun (2002-2005)
7. Rev. K.D Tu Lum (2006-2007)
8. Hpt. Duwa Lahpai Zau Shan (2008-2009)

III. Amu Madu ni
1. Duwa Lahtaw Hkun Myat (1978)
2. Duwa Lahpai Zau Gun (1979)
3. Sara Marip Ja Naw (1980-1991, 12 ning)
4. Duwa Shanghtin Gam (1992-1993)
5. Rev. Hpauyawng Tu Mai (1994-1997)
6. Rev. Hpakawn Awng Gam (1998,2004-2005, 2006-2009 January- March)
7. Rev. Maran Zau Seng (2004-2005)
8. Sarama Ja Hpang (1999, 2001-2003, 2009 April- December, 2010-2011)

IV. Kunhting Kaba ni
1. Sarama Kaba Lazum Lillian Hka Nau (1980-1987)
2. Sarama Nelly Gam (1988-1989)
3. Sarama Kaba Gauzam Nang Tawm (1990-2003, 14 ning)
4. Hpt. Professor Maran Kethy Lone (2004-2005)
5. Hpt. Lahtaw Nang Hkam (2006-2009)
6. Sarama Kaba Nhkum Ja Bang (2010 - 2011)

(30) Ning Laman na Hpung Woi ni
Ya Magam Gun nga ai ni
1. Rev. K.D Tu Lum
2. Rev. Marip Ja Naw Jr.
3. Rev. Hpauyawng Tu Mai
4. Rev. Maran Zau Seng
5. Rev. Dashi Gam Seng
6. Dr. Lahpai Nang Htoi
7. Sarama Ja Hpang
8. Sarama Tangbau Ja Dim
9. Sara Lahtaw Zau Sam
10. Sara Marip Naw San
11. Sara Hkangda Naw San
12. Sarama Lahtaw Nang Pan Awng

Gunhpai Lai wa sai ni
1. Rev. Jacob Nhkum Zau Seng
2. Rev. Maran Yaw
3. Rev. Maran Zau Yaw
4. Rev. Hpakawn Awng Gam
5. Sarama N’Ding Nang Bu
6. Sara Dabang Naw Din
7. Sara Kaba Mangshang Ying Zung
8. Sarama Lahtaw Nang Tsin
9. Sarama Lahtaw Nang Mai
10.Sarama Hparaw Lu Ing
11. Sarama Lagwi Bawm Wing

Sasana Ginra Lithkam ni
Ya Ap Nawng nga ai ni
1. Sara Labya Brang De (Hlaingthaya)
2. Sarama Naw Ju Na (Dagon Myothit)
3. Sara Zinghang Nawng Hpung (Laydaunkkan)

Ap Nawng Lai wa sai ni
1. Sara Hlaing Win Awng (Hlaingthaya)
2. Sara Hpunggan Seng Du (Hlaingthaya)
3. Sara Pawm Naw Tawng (Hlaingthaya)
4. Sara Hkin Hla Maung (Laydaunkkan)
5. Sara Tun Myint (Hkwa Sung)
6. Sara Tin Pe (Hkwa Sung)
7. Sara Mya Than (Hkwa Sung)

(32) Ning Laman Madu hta Yup pyaw mat wa sai Hpung woi, Hpungtau ni
1. Rev. Jacob Nhkum Zau Seng
2. Rev. Maran Zau Yaw
3. Sara Kaba Marip Ja Naw
4. Hpt. Thomas Kareng Brang Seng
5. Hpt. Dr. Zahkung Ze Hkawng
6. Hpt. Dumdaw Htoi
7. Duwa Shanghtin Gam

Shamyet Shanat la ai Laika ni
YJH. Yangon Buga Hkalup Hpung Labau. Yangon: YJH, 2003.
La Wawm. Sara Usa Rev. Damau Naw hte Sara Jan Sarama Kaba Labya Lu yan a Ahtik Labau Laika.
Enriquez, Major C. M. In Quest of Greatness. 2003.
Rev. Maran Yaw. Yangon Jinghpaw Wunpawng Hkalup Hpung a Krawdung Labau Ninghpang.
L. Nang Tsin. The History of the Judson Kachin Baptist Church. B.Th Thesis. Yangon: MIT, 1994.
YJH Ramma Komiti. The Truth Nawku Hpung Shiga Laika Vol. 1, No. 5 (February 1, 2004).
YJH. Shaning Shagu na Hpung Kongsi Annual Report ni.
YJH Aten Kadun Chyum Jawng. YJH a Labau Ginshi (1979-2008). Tang gawk kaw group (3) garan nna tang madun ai Laika ni. YJH, 2008.

Hpung Kongsi Ningbaw Ni

DU KABA LAHPAI SHAN LUM 
(1978-1983)

Du Kaba Lahpai Shan Lum gaw Sinlum mare, Pangmu kahtawng hta, Hpung Up Sara Kaba Rev. Lahpai Zau Tu hte Jan Sarama Nangzing Hka Jan yan a kasha Ma Tu rai nna, 1912 ning May 17 ya shani shangai chyinghkai wa ai.

Lawu Tsang Hpaji hpe kanu a Jawng hta sharin hkaja, Lapran Tsang Hpaji hpe Manmaw mare, Lahta Tsang Hpaji hpe lawu ga Bassein (Pathein) mare kaw sharin lai wa sai. Yangon Judson Dakkasu kaw nna 1934 ning hta B.A Janmau hpe gup la lu sai. Jinghpaw myu sha ni hta na shawng B.A gup la lu ai marai lahkawng hta na No.2 ngu na gup la ai re. Shawng nnan gup la lu ai wa gaw Kahpu Ba, Du Kaba Colonel Lahpai Hkun Nawng rai nga ai. Janmau gup la ngut ai hpang Myen mungdan a Home and Political Department of the Secretariat hta Amu Madu bungli gunhpai sai. Dai hpang, May Myo Officers’ Cadet Training Unit de hpyen Hpaji sharin na lata la hkrum sai.

1941 : Second Lieutenant (King’s Military Commission)
1942 : Share Shagan Shagrau Kumhpa M.C (Military Cross)
1943 : Major aya hte, M.B.E (Member of the Order of the Bristish Empire), O.B.E (Officer of the British Empire) ni hpe shagrau hkam la sai.
1949 : Myen Mung, Panlong Agreement hta shakut shaja lai wa sai majaw, “r[mol&Jppfol” kumhpa shagrau hkam la sai.
1953 : New York kaw galaw ai UN General Assembly Zuphpawng de Myen mung dat kasa hpung hta shang lawm lu sai.
1960-1961 : Myen mung hte Miwa mung Lamu Ga Jarit Simsa Ngwi Pyaw Hpung hta shang lawm ai.
1962 : Jinghpaw mungdaw hte Magwe Ginwang Up Hkang Hpung hta Commissioner bungli hpe galaw lai wa sai.
1974 : Myen mung Masha Jahpan La Dap hta Commissioner of the Census Department galaw lwa sai.
1980 : EkdifiH*kPf&nf (yxrtqifh) Asuya Ningtawn Magam Gun hku nna shagrau hkrum sai.

Asuya magam bungli kaw na hkring sa ai hpang, Karai Kasang a magam hta bai matut shakut shaja galaw gunhpai wa sai. Far Eatern Broad Casting (FEBC), Manila kaw na Jinghpaw hku Mungga (20) hpe hkaw tsun sakse hkam lai wa sai. Yangon Jinghpaw Wunpawng Hkalup Hpung (YJH), Buga Hpung langai byin wa hkra woi awn jasat shakut shaja wa ai re. 1978-1983 laman YJH a shawng nnan na Hpung Kongsi Ningbaw lit hpe gunhpai lai wa sai. 1987 ning America de sa nga ai hpang, First Burmese Baptist Church, San Francisco a Hpung Salang hku nna magam gunhpai wa sai.

2000 ning September 21 ya shani, Asak (88) ning hta e Madu Yesu hta yup pyaw mat wa sai. N nga mat wa ai ten hta, Ningrum ningtau jan Du Jan Lahtaw Nang Pri hte kasha (5), kanam (1), kahkri (4), kashu (8) hpe htawng da nu ai.

Tsi Sara Kaba Lamai Tu
(1984-1985)

Shangai Chyinghkai wa ai lam
Sam Mung Mungbaw ninghtawn, Namhkawng mare na Salang Lamai Tu Gawng hte Jan Dumdaw Roi yan a kasha ni marai 12 (Num 6, La 6) hta na La ntu mahtang rai nga ai. 1912 ning, November shata (14) ya shani shangai ai re.

Hpaji tam ai lam
Mungbaw ninghtawn, Namhkawng Jawng hta Tsang Lahkawng, Namhkam Jawng e Tsang 6 hpe 19 ning hta awng la sai.

Bungli galaw wa ai lam
Namhkam Jawng e Tsang 6 awng la ai hpang, Yangon, Mingaladon na Ingalik Goya Hpyen Dap e Zazen aya du hkra (1937-1944) gunhpai wa sai. De a hpang, Hpyen Dap kaw na hkring sa nhtawm, hpaga yumga bungli hpe galaw mat wa sai re.

Tsi Magam Bungli galaw wa ai lam
STAR Brand hte galaw ai tsi ni;
1. Kani dawn tsi
2. Kan pat tsi
3. Sai n-gun tsi
4. Sinda Chyat mai tsi
5. Kidney tsi
6. Payuk si tsi ni hpe galaw shapraw da sai.

Dinghku de ai lam
Nampaka mare na Jawng Sara Kaba Gauzam Zau Tawng hte Jan Lashi Tawm yan a kasha, Gauzam Nang Bawk hte 1950 ning May 18 ya shani, Hkristan dinghku de la sai. Kasha marai 11 (Num 7, La 4) hpe shangai shaprat da lu sai.

Hpung Magam Bungli gunhpai ai lam
Nampaka e Ka-ni dawn tsi hte kaga hpaga yumga ni galaw let, 1958 ning kaw nna 1964 ning du hkra Nampaka mare Salang (Bawmung) galaw lai wa sai.1965 ning, Kutkai de bai htawt nga ai aten hta, Hpungtau hte Hpung Ningbaw lit ni hpe gunhpai wa sai. 1971 ning Yangon de n-gaw htawt hkrat ai hpang, Judson Nawku Hpung hta Hpungtau lit hpe galaw lai wa sai. Yangon Jinghpaw Wunpawng Hkalup Hpung (YJH) ngu byin wa lu na matu npawt hpang woi awn lai wa sai. 1984-1985 laman hta Buga Hpung a Hpung Kongsi Ningbaw lit hpe gunhpai lai wa sai. 1989 ning January 16 ya shani hta Madu Yesu hta yup pyaw mat wa sai re.

Kasi la mai ai lam ni
1. Kaning re ai magam bungli hpe rai tim, Karai Kasang kaw shawng ap nawng akyu hpyi nna she woi galaw hpang ai.
2. Sasana magam bungli a matu Alu jaw ya ai lam hta, myit masin mahkra hte sak jaw ya ai.
3. Masha wa hpe karum shingtau ai lam hta, tsaw ra shawang myit kaba hte karum la chye ai.
4. Mu bungli galaw ai lam hta, kangka sadi dung ai majaw 1977 ning Jaw Masat Poi hta, Kangka Wudang Dazik Kumhpa hpe shagrau hkrum sai re.

Duwa Shanghtin Gam
(1986-1989)

Duwa Shanghtin Gam gaw Salang Shanghtin La hte Jan Lamai Lung yan a kasha rai nga ai. 1927 ning July shata (25) ya hta e, Sam Mung Hu Bren mare kaw shangai wa nna, Mung Gyi, Nawng Lau kaw kaba wa ai re.

Namhkam ABM (American Baptist Mission) Jawng hta laika hpaji ni hpe sharin hkam la nga yang, mungdan masa lam a majaw 1946 ning hta Hpyen Dap de shang mat wa sai.1950 ning hta Du aya lu nna Jinghpaw Dap (5) kaw shaning law law wa (1950- 1964) bungli galaw lai wa sai.1964-1968 du hkra Hmawbi O.T.S (Officer Training School) Hpyen Jawng hta Sara galaw lai wa sai. Dai hpang, 1969-1970 ning hta, Sam Mung Kutkai mare kaw Unit Hpa-awn galaw sai. 1971-1990 ning hta, &efukef awmifolv,form;tpnf;t&k;H cGJrI; Magam Ginjaw Rung Dap Lithkam rai nna, 1990 ning hta e Captain madang hte hkring sa ahkang lu sai.

Karai Kasang a magam bungli hta mung grai shakut shaja ap nawng lai wa sai. Yangon Jinghpaw Wunpawng Hkalup Hpung (YJH) ngu byin wa lu na matu npawt hpang gaw sharawt woi awn wa ai Ningbaw Ningla langai rai nga ai. 1986 kaw nna 1989 du hkra Buga Hpung a Hpung Kongsi Ningbaw magam lit hpe gunhpai wa nna, 1992 kaw nna 1993 ning laman hta Hpung Amu Madu lit hpe bai matut gunhpai ap nawng lai wa sai.

1953 ning April 30 ya hta, Sarama Nhkum Htu Shan hte dinghku de sai. Kasha (2), Brang Nan hte Tsawm Bawk yan hpe shangai shaprat lu sai. Kashu marai (8) rai nga sai. Duwa Shanghtin Gam gaw Hmawbi, Wanet Chaung dum nta hta, 2010 ning April 12 ya shani Madu Yesu hta yup pyaw mat wa sai re.

Duwa Hpauyam La Wom
(1990-1991, 1998-2001)

Daidaw daihpang
N’Bapa mare, Sari lu Sara Damau Naw hte Jawng Sarama Kaba Laya Lu yan a kashu, Jawng Up Sara Hpauyam Gam hte Sara Jan Sarama Damau Lu jan a No.(6) ngu na kasha, daidaw amying La Hpri, Shingteng amying La Wom ngu mying ai Lahtaw Hpauyam kasha rai nga ai.


Shangai daidaw nhtoi
January 19, 1924


Hpaji Madang
N’Bapa Jawng, Manmaw A.V High School, Sagaw Karen High School, Pathein Cushing High School, Yangon ni hta laika hpaji sharin la sai.

Gunhpai lai wa sai Amu Bungli ni
1. Yi sun hkauna bungli galaw yu sai.
2. Japan Prat, Manmaw Nbung Li pa nnan hkyen waw ai hta kuli sa galaw sai.
3. Japan ni hpe gasat na matu, Myitkyina Ginwang, Nahpaw mare makau mayang e nga ai, Major Duwa Shan Lone woi awn ai English Dap (Force 136) de wa shang nna, India de bai hkan nang wa sai. India e Wireless hpaji hte Nbung Jawng gumhtawn ai hpaji ni hpe sharin la sai. Myen Mung, Thahtung mare ninghtawn Minlwin mare kaw (Blind Drop) sa gumhtawn hkrat sai. Hpa-an Rabbit Wireless Station hpe mung woi awn lai wa sai.
4. Majan ngut wa ai aten hta, Inglik Hpyen Du ni ashim sha, hpyen ni a hpyen mang shingdu e nga nna hpyen bungli galaw lu hkra nga shara ni lajang da ya ai hte, Japan hpyen ni e sat kau hkrum na kaw na hkan tam mawai la ai magam amu a majaw, English Dap ni shagrau ai “Well done Rabbit” ngu ai kumhpa hpe hkam la lu sai re.
5. Majan ngut ai hpang, N’Bapa buga nta de wa nna N’Bapa Laika Sharin Jawng hpaw ai hte kana Sarama Roi Ji hte rau woi awn sharin ya sai.
6. Yangon de Wireless Operator bai sa galaw sai.
7. March 29, 1947 hta Sarama Malang Kaw hte dinghku de sai.
8. 1947 ning hta, Nmawk kaw hpaw tawn ai Kachin District Council hte mung masa hpung Pawngyawng Mungbawng Ginjaw Ginwang rung de bungli sa galaw sai.
9. Jinghpaw Shi Laika Dap e Managing Director hte (APRO) Ginwang Ningtau Shiga htawn shana Du bungli shang galaw sai.
10. Balik shiga sawk sagawn dap hta Inspector of Police (IP) aya hta bungli galaw sai.
11. KNC Ginwang Amu Madu hte PMG ginrun Amu Madu bai shang galaw sai.
12. Amat Salang Ugyi Hting Nan n nga mat sai majaw shi a hkang hta A-mat shang shingjawng nna, dang sai hte, Jinghpaw mungdaw Wungyi Dap hta Paliman Amu Madu galaw sai.
13. Jinghpaw mungdaw Asuya shatsam ai Jinghpaw Htunghking Ningli hte Labau Sagawn Komiti Ningbaw lit hpe mung gunhpai sai.
14. 1962 ning Gumlang Council lung wa ai shaloi, Jinghpaw mungdaw rap daw salang galaw sai.
15. Sumtsan Dat Salang Kaba (oHtrwfBuD;) hku nna Israel, Philippine mung ni hta bungli galaw wa sai.
16. Hpyen Dap Asuya hte Jinghpaw Shanglawt ni a lapran Simsa lam tam Salang galaw nna, htingrai htingrat nga yang Ningbaw Kaba Brang Seng si wa sai. Dai hpang Du Kaba Zau Mai bai galaw ai hte, Simsa lam n rai, gap hkat shazim ai lam hpe she hkap la na nga, myit hkrum ga sadi tawn da masai.
17. Dai hpang e, Yangon Jinghpaw Wunpawng Hkalup Hpung a Hpungtau hku nna Sasana magam bungli hta shang lawm ap nawg lai wa sai.
18. 1990-1991, 1998-2003 ning ni hta Yangon Jinghpaw Wunpawng Hkalup Hpung a Hpung Kongsi Ningbaw lit hpe masum lang bat nna galaw gunhpai wa sai re.

Sarama Kaba Lahkum Lahpai Nang Yun
(2002-2005)

I. Shangai Chyinghkai ai lam (1937)
Lahta Sam mung, Kutkai ninghtawn, Zau Bung Nampaka Myosa Duwa Lahkum Lahpai Naw Seng hte Du Jan Tangbau Yamhpat Nang Bang yan kaw na 1937 ning February 13 ya shani hta shangai chyinghkai wa ai re. Kahpu kanau marai (10) hta na hpungdim rai nga ai.


II. Hpaji Sharin ai lam (1945-1984)
1945-1953: Nampaka Asuya Lapran Tsang Jawng
1953-1956: Colgate Memorial High School, May Myo (Pyinoolwin)
1956-1957: Bhamo Roberts High School
1957-1958: Kutkai National High School
1958-1959: Mandalay Dakkasu
1981-1984: Yangon Dakkasu ni hta laika hpaji ni hpe sharin la nna, B.A (Philosohpy) janmau hpe gup la lu sai.

III. Dinghku De ai lam (1968)
1968 ning October 12 ya hta, Salang Nhkum Tang hte Jan Nbrang Hka yan a kasha Duwa Nhkum Yawhan hte ngwi pyaw ai Hkristan Dinghku de la lu ai hte Karai Kasang jaw ya ai kasha num (3) hte la (1) hpe shangai shaprat lu sai.

IV. Asuya Bungli Gunhpai ai lam (1960-1988)
1959-1960: Wa mung Hopang Asuya Lapran Tsang Jawng
1960-1961: Muse, Mungbaw Asuya Lapran Tsang Jawng
1961-1963: Mandalay Sara Tai Jawng lung la ai
1963-1971: Jawng Up, Nampaka Asuya Lapran Tsang Jawng
1971-1985: Kutkai Party Unit Ningbaw
Kutkai No.1 Lut-daw Kasa
1985 - 1988: Myen mung Socialist Party Ba-ho Komiti malawm,
Kutkai No.1 Lut-daw Kasa

V. Sasana Magam Bungli hta ap nawng gunhpai ai lam
1991 ning September 28 ya shani Yangon de du wa ai ten kaw na, dai ni du hkra YJH a Sasana magam bungli ni hta ap nawng gunhpai nga ai re.
1996-1997: YJH Nawku Jawng Gawgap Komiti Kunhting
1998-1999: YJH Hpung Kongsi Ningtau Kunhting
2000-2001: YJH Hpung Kongsi Ningtau Ningbaw
2002-2003: YJH Hpung Kongsi Ningbaw
2004-2005: YJH Hpung Kongsi Ningbaw
2003-2006: KBC Ningtau Ningbaw, Chyum Jawng Zinlum Komiti malawm, MBC EC malawm hte MBC Nomination Komiti malawm
2006-2007: YJH Hpung Kongsi Hpaji Jaw
2008-2009: YJH Hpung Kongsi Hpaji Jaw

VI. Shagrau Hkam la lu ai lam ni
1997: Gumhpraw Dazik (YJH Nawku Htingnu Htingshawn shani shagrau ya ai)
2005: Debora Ja Wudang (YJH Num Komiti kaw na shagrau ai Asuya bungli Up Hkang Dap Ningtawn ai Kanu Masat)
2006: Shawng Nnan na Asuya Up Hkang Lam Num Ninghkrin Shagrau Masat Lekmat (SGZ Sasana 100 ning Jaw Poi hta shagrau ai)
2006: YJH Nawku Hpung Bungli Gun Ja Wudang.

Hpt. Duwa Lahpai Zau Shan












August 7, 1944 : Kutkai, Namma Kahtawng hta, Rev. Lahpai Zau Yaw hte Sarama Maran Nang Hseng yan kaw nna shangai chyinghkai wa ai.
1955 : Kawa Hpung Up Sara Kaba Rev. Lahpai Zau Yaw a lata hta myit malai hkalup hkam la ai.
1961
: NCS (Kutkai) Sasana Jawng kaw nna Matriculation hpe awng la ai.
1967 : Yangon Jak Dakkasu (R.I.T) kaw na, B.E (Automobile) hte Engineer Janmau hpe
gup la sai.
July, 1967 : Ministry of Industry, Jak Rung Up Hkang Dap kaw Industrial Officer magam bungli
hpe gunhpai hpang sai.
May 1, 1969 : Myitkyina mare Duwa Hpukjawng Dau Hkawng hte Du Jan Saulang Yaw Sawng yan a kasha Sarama Hpukjawng Hkawng Nan hte Dinghku de sai (Kasha shayi sha (5) hpe shangai chyinghkai lu ai)
1974-1986 : Jak Rung Up Hkang Dap, Jinghpaw Mungdaw Lithkam bungli hpe Myitkyina kaw gunhpai nna, 1986 ning September shata hta Yangon Rung Daju de bai htawt wa sai.
2000-2002
Asuya magam gunhpai nga let, Insein MIT (Myanmar Institute of Theology) kaw B.R.E (Bachelor of Religious Education) Program hta Chyum Hpaji hpe sharin hkam la lu sai.
December 6, 2006
Deputy Director General lit kaw nna hkring sa ahkang lu sai (Bungli galaw ladaw- 39 ning, Asak- 62 ning hta)
2008-2009, 2010-2011 : Yangon de magam bungli htawt wa ai hpang 1990 ning kaw nna dai ni du hkra Hpungtau magam bungli hta shang lawm gunhpai nga ai hte, YJH Hpung Kongsi Ningbaw lit hpe mung ningdaw lahkawng lang ngu na gunhpai ap nawng nga ai.

Hpung Woi Ni

Aten Hpring Hpung Woi

1. Rev. K.D Tu Lum Hpung Up Kaba
2. Rev. Marip Ja Naw Jr. Ginrun Hpung Up
3. Rev. Hpauyawng Tu Mai N/T Hpung Up
4. Rev. Maran Zau Seng
N/T Hpung Up
5. Rev. Dashi Gam Seng
N/T Hpung Up
6. Dr. Lahpai Nang Htoi
Hpung Sarama
7. Sarama Ja Hpang
Hpung Sarama
8. Sarama Tangbau Ja Dim Hpung Sarama
9. Sarama Lahtaw Nang Pan Awng Hpung Sarama
10. Sara Lahtaw Zau Sam Hpung Sara
11. Sara Marip Naw San Hpung Sara
12. Sara Hkangda Naw San Hpung Sara
Karum Hpung Up Ni

1. Rev. Kareng Hting Nan
2. Rev. Dr. Lahpai Zau Lat

Rev. K.D Tu Lum
Hpung Up
Pulpit Komiti Hpa-awn
Rev. Marip Ja Naw Jr.
Ginrun Hpung Up
K/S Dap Hpa-awn
Rev. Hpauyawng Tu Mai
X’tan Hpaji Dap Hpa-awn
N/T Hpung Up
Rev. Maran Zau Seng
Ramma Komiti Hpa-awn
N/T Hpung Up
Rev. Dashi Gam Seng
La Komiti Hpa-awn
N/T Hpung Up
Dr. Lahpai Nang Htoi
X’tan Hpaji Dap
N/T Hpa-awn
Sarama Lahpai Ja Hpang
Hpung Kongsi Amu Madu
Sarama Tangbau Ja Dim
Num Komiti Hpa-awn
Sarama Lahtaw
Nang Pan Awng
K/S Dap N/T Hpa-awn
Sara Lahtaw Zau Sam
Mu Na Kyithkai Komiti
Hpa-awn
Sara Marip Naw San
Music Komiti Hpa-awn
Sara Hkangda Naw San
Hpung Kongsi
N/T Amu Madu

About YJH

Du Wa Zau Gun

(1978)