Ga Machyan

Ga Machyan
Tsaban 21 de du shang wa ai Mungkan masha ni mung Kahtawng Langai (Global Village) kaw sha jawm nga ai zawn byin wa nga sai. Dai zawn Branglang mat ai masa (Globalization) a majaw mungkan gaw Hpungtang Zinghkri (Websites) hpe grau shamyet shanat jai lang akyu jashawn ra wa nga ai. Lamu ganghkau e shalun da ai Hpungtang Zinghkri ni kaw nna, hpa lam hpe mung sharin hkaja sawk hti la mai ai, mungkan shara shagu na shiga ni hpe mung ya byin, ya chye mai ai, Shiga Hpaji Prat (IT- Information Technology) nan rai nga sai. Shing re ai rawt jat galai shai wa nga ai Prat masa hta hkan nna, Yangon Jinghpaw Wunpawng Hkalup Hpung, Mu Ma Kyithkai Komiti kaw nna woi awn ai hte YJH Hpung Shiga ni hpe 2008 ning July 11 ya shani hta shawng nnan shalun dat saga ai re. Ya 2011 ning hta kalang mi bai jahkum shatsup let grau tsawm htap ai hku shalun dat lu ai majaw Karai Kasang a chyeju hpe grai shakawn ai law. 1. YJH Labau Ginshi 2. YJH a Hpung Up, Ningbaw Ningla ni a lam 3. Dap, Bot, Komiti ni a shamu shamawt nga ai Sasana lamang ni 4. Laban Mungga ni, Chyum Laika Sharin ai lam ni 5. Shata masum hta kalang shapraw ai ZINGHKRI Journal ni 6. Kaga Nawku Hpung hte seng ai Shiga ni hpe e dingyang shalun mat wa na re. YJH Website hpe hkap hti n-gun jaw ya nga ai mungkan mungdan shara shagu kaw na Jinghpaw Wunpawng Hkristan Hpung masha ji nban, Hpung kanu kawa myitsu ni yawng hpe grai chyeju dum nga ai. Nawku Hpung hte seng ai, tinang Mu ai, Na ai Shiga ni hte shada makyit mahkai, htinglu htinglai hkat let Karai Kasang a mungdan hpe gaw de sa wa ga ngu ga saw dat ai law. Hkristu a magam hta, Lahtaw Zau Sam ( JLIB_HTML_CLOAKING ) Hpa-awn Mu Na Kyithkai Komiti YJH