Yangon Kachin Baptist Church
No. (40/B), Shwe Pyi Aye Street,
Sanchaung T/s, Yangon, Myanmar.
Phone: 01-527732, 502404 ext. 116
Email: JLIB_HTML_CLOAKING

213604

Shakram Ga

Shakram Mungga

Nu Wa Hpung masha ji nban yawng hpang de Shakram Ga ka shana dat lu ai majaw Karai Kasang a chyeju dum nngai law. Nu Wa Hpung masha ni e, ndai Yangon Jinghpaw Wunpawng Hkalup Hpung hpe, Myen mung a mare kaba Yangon mare kaba ka-ang kaw gaw de da ya ai gaw, bum ntsa e de da ai mare zawn, Karai Kasang a Hpung Shingkang hpe shadan shadawng lu na matu maigan myu masha ni a ka-ang e Karai Kasang a sakse hkum hte nhtoi hkum ni byin tai ra ga ai law. Dai hta n-ga, anhte a Hpung gaw, pru sa nna Kabu Gara Shiga hkaw tsun sakse hkam ai lam, myit malai kam sham ai ni hpe Dinghku masha shatai la let kanawn mazum zinlum ai lam hte, Hpung masha ni a makam masham ngang kang kung kyang wa hkra sharin achyin ya ai lam ni hpe matut nna galaw gunhpai shakut shaja sa wa ga law. Dai rai yang, Madu Yesu Hkristu a Matsun Maroi Ga ni hpe hkan nang shadik shatup ai Hpung masha majing byin tai wa na re law.

Dai re ai majaw, anhte YJH Hpung masha ni yin la hkan sa nga ai “Myit Hkrum Let Grau Kaba Ai Magam Bungli De” ngu ai bungli galaw ladat hte maren ndai “YJH Hpungtang Zinghkri” hpe mung jawm akyu jashawn let, Karai Kasang a yaw shada ai Sasana Magam bungli ni hpe matut nna jawm galaw, shachyen shaja gunhpai sa wa ga ngu ga saw dat nngai law.

Hpt. Lahpai Zau Shan
Hpung Kongsi Ningbaw