Yangon Kachin Baptist Church
No. (40/B), Shwe Pyi Aye Street,
Sanchaung T/s, Yangon, Myanmar.
Phone: 01-527732, 502404 ext. 116
Email: JLIB_HTML_CLOAKING

196786

chyoi pra ai chyum laika

Comming soon ...

2009 YJH Directory

Comming soon

Music Komiti

Hpung masha yawng Karai Kasang hpe mahkawn shakawn, Nawku dawjau ai lam hpe tang du hkra woi awn nga ai. Hpung masha ni hpe, shakawn mahkawn hte seng ai Music hpaji, Madum sumpyi hpaji ni hpe sharin jahpat ya nga ai. Paise & Worship, Daw Raw, Piano, Junior Choir, Hpung Choir, Sakkung Choir hte Madum sumpyi hpung (Band) ni hpe Sub-Komiti hpaw nna woi awn nga ai.

1. Laban Hpawng hta shang lawm nga ai lam
a)
Piano
b) Violin
c) Band
d) Sak kung Sen hkum
e)
Hpung Sen hkum
f)
Ram Kaji Sen hkum
g)
Praise & Worship

2. Sharin Hpawng ni
a)
Junior & Youth Music Workshop
b) Sak Kung Music Workshop
c)
Dawraw & Sumpyi Dum Sharin Hpawng

3. Christmas Cantata
i) Youth
ii)
Junior

Cantata

Worship Through Music

Music Worshop

Junior Music Class

Youth Music Class

Ningbaw Ningla Shalat Komiti

YJH Hpung hta magam gun nga ai Hpung Woi ni, mungdan kata hte maigan mungdan ni hta, Chyum Hpaji hpungjat la lu wa hkra masing jahkrat nna lajang ya nga ai. YJH Hpung hta ra nga ai ningbaw ningla ni hpe shalat la lu hkra masing jahkrat nna woi awn nga ai. KBC shingwang hta na karum hpyi wa yang mung, masing jahkrat nna shalat ya nga ai.

Retreat Centre Komiti

Madu Yesu hta yup pyaw mat wa sai YJH a Hpung Up Sara Kaba Rev. Maran Zau Yaw hpe myit dum ai masat hku nna, Retreat Centre hpe M. Zau Yaw Masat Ginra ngu amying shingteng jaw let, masing jahkrat, hkyen lajang galaw sa wa ai rai nga ai. Yangon-Mandalay Lam Nmaw Kaba, Pago, Inndagaw mare 10 mile hta Eka 12.54 dam ai Sun Kaba rai nga ai. YJH Nawku Jawng kaw na mawdaw hte hkyinghkum 1:30 daram gawt yang du ai shara re.

Pandung
Hkum Dingnum Bawng Ring wa hkra galaw sa wa na.

Yaw shada ai lam
1.
Wenyi, Myit masin, Hkumhkrang n-gun ban la lu na matu.
2.
Nawku hpung hte seng ai Sharin Hpawng ni galaw lu na matu.
3.
Kaga Hkristan Nawku Hpung ni hpe dang lu ai daram dawjau lu na matu.

Komiti kaw nna Retreat Centre hpe grau kaja, tsawm htap, ngang grin ai hte, yaw shada da ai hte maren jai lang asung jashawn lu na matu lit la woi awn nga ai. Bungli kaba (Project) ni hpe masing jahkrat nna, Hpung Kongsi de tang madun dawdan ai lam la nna galaw sa wa nga ai. Sun hte seng nna bungli galaw ai ni hte, sun kata na arung arai ni hpe lit la hpareng nga ai re.

Bawng Ring Komiti

Hpung masha ni hkum dingnum bawng ring wa na matu ladat shaw woi awn nga ai. Masing ni hpe woi jahkrat nna, Hpung Kongsi a myit hkrum ai hte galaw sa wa ai. Ginwang, Ginjaw, MBC, MCC zawn re kaga tara shang wuhpung wuphawng ni hte matut mahkai nna galaw sa wa nga ai.

Mu Na Kyithkai Komiti

Mu Na Kyithkai Komiti hpe 2006 ning kaw nna hpaw ninghtan dat ai re. KBC Ginjaw hta Mu Na Kyithkai Dap ngu hpaw wa ai hpang, KBC shingwang buga hpung ni hta YJH gaw shawng nnan hpaw hpang dat ai Buga hpung rai nga ai. Sub-Komiti (6) hpaw ninghtan da nna Karai Kasang a Sasana magam bungli hpe shachyam shabra dawjau nga ai re.

1. Zinghkri Journal Komiti
a) Nawku Hpung, Wenyi Makam Masham lam hte seng ai Shiga/Mungga ni htawn shalai ya ai.
b) Dap, Bot, Komiti ni a galaw sa nga ai Sasana magam bungli ni hpe shana ya ai.
c) Hpung masha shada tinang Mu, Na, Chye ai Shiga ni hpe e makyit htinglet shalai ya ai. lam ni hpe galaw sa nga ga ai.
ZINGHKRI Hpung Shiga Journal hpe laning mi mali lang, shata masum hta kalang shapraw nga sai re.

2. Hpung Magazine Komiti
a) Karai Mungga, sumrai ni, sumroi ni, hpaji hparat jat la lu mai ai laika ngau ni, Sut kanbau magam bungli hte seng ai lam ni,
prat dep Jinghpaw htunghking bu hpun sumli lam ni hte YJH a labau kadun ni hpe bang shalawm let Hpung masha ni
hpe shachye shachyang nga ai.
b) Prat madang hta hkan nna hkrang sama ai lam, akyu rawng ai ka-ngau ni hte dangdi lu ai made galaw shakut shapraw ai
re.

3. Hpungtang Zinghkri (Websites) Komiti
a) Hpung a shamu shamawt lam ni, Sasana magam bungli shiga ni hpe mungkan de shana shabra ya ai.
b) Mungdan shara shagu kaw nga ai Hpung masha ni hte matut mahkai nga lu na.
c) Kabu Gara Shiga hpe grau masan sa ai hku sakse hkam lu na matu yaw shada ai hte galaw sa wa nga ga ai. YJH a
Website gaw www.1979yjh.com rai nga ai.
d) Jawng wang Hpung Up nta ni hte Dap, Komiti ni Hpung a Sasana lam hte seng nna, Internet hpe atsawm lu lang nga
hkra lit la lajang ya nga ai.

4. Laili Laika Shalat Komiti
Laili Laika hte Sasana magam bungli hta shang lawm wa lu na matu Laili Laika Hkaw Tsun Hpawng ni, Laika Ka Ninghkrin Shalat Sharin Hpawng ni, Shingjawng Poi ni, Madun Poi ni hpe galaw sa nga ga ai.

5. Laika Dum (Library) Komiti
a) Hpung masha ji nban ni yawng a Hpaji Sawk Gindai Laika Dum rai wa hkra shakut nga ga ai.
b) Ya yang YJH Laika Dum hta laika buk ni yawng (volume- 4500) jan nga nga sai.
c) Reception Hall a shawng e mung, lai wa lai sa, jahkring jahkra dung chyai let laika ni lu hti la na matu yaw shada let
Periodical Stand langai tawn da ai hte, Shi Laika, Journal, Newsletter ni hpe tawn da ya nga ai.

6. Labau Komiti
a) YJH Buga Hpung a Labau hpe shangang shakang, sawk, ka, mazing sa wa nga ai.
b) Hpung Labau Ka Ladat Sharin Hpawng, Hkaw Tsun Hpawng ni hpe woi awn galaw ai.
c) Labau Mazing ai hku nna Dap, Bot, Komiti ni a shamu shamawt ai lamang ni, Hpung a ahkyak nhtoi lamang ni hta Sumla
(Photo) dem mazing ai lam galaw nga ga ai.

Jinghpaw Shingni hte hkrum shaga

Labau Ka Sharin Hpawng

Library

Magazine Editing

Jak Arung Arai Komiti

Hpung kata na wan jak, hka jak, myi hprap wan, nsen htawn jak, nbung layit jak, nbung katsi htingram jak, overhead projector, computer hte kaga jak arung arai ni hpe lit la nga ai. Jak Jum Sara ni hte seng ai lam ni, jak arung arai ni asung jashawn ai lam ni hta hpaji jaw up hkang nga ai.

Htaw Wa/Sa Komiti

Hpung mawdaw ni hte kaga htaw wa htaw sa hte seng ai arung arai ni hpe yu lajang up hkang nna gram lajang ra ai lam ni hpe lit la nga ai. Nawku htingnu wang kata na mawdaw hkring shara hte seng ai ritkawp tara, jahkring tawn jahpu ni hpe, masat dawdan ya nna, yu hparan ya nga ai. Mawdaw gawt ai driver ni hte seng ai lam ni, mawdaw asung jashawn ai lam ni hta hpaji jaw up hkang nga ai.

Jahpan Jep Komiti

Hpung a gumhpraw jahpan hpe shata (6) hta kalang jep ya nga ai. Arung arai jahpan hpe laning mi kalang jep ya nga ai.

Gawgap/Gram Komiti

Nawku hpung a lamu ga, dum nta, arung arai ni hpe gawgap, gram lajang makawp maga bau rem nga na.

La Komiti

Buga hpung a kawa la ni hpe woi awn zinlum kanawn mazum la ai hte Hpung a Sasana magam bungli ni hpe woi awn nga ai Komiti rai nga ai. La Kanawn Mazum Hpawng ni gaw, shada tsaw ra hku hkau zinlum makyit mahkai ai hte, hpung a magam bungli hpe gunhpai nga ai re. Kawa la ni a N-gun ban hpawng, Chyum Laika sharin hpawng, Yu-ngwi pinra hte kaga Sharin Hpawng ni hpe mung galaw nga ai.

Htunghking sharin hpawng

Chyeju Yungwi Pinra

Chyeju Yungwi Pinra

Num Komiti

Buga hpung a kanu num ni hpe woi awn zinlum kanawn mazum la ai hte Hpung a Sasana magam bungli ni hpe woi awn nga ai Komiti rai nga ai. Num Kanawn Mazum Hpawng ni gaw, shada tsaw ra hku hkau zinlum makyit mahkai ai hte, hpung a magam bungli hpe gunhpai nga ai re. Daw Lawk (7) garan da nna Num Hpawng ni hpe bat shagu galaw nga ai hta n-ga, shata mi hta kalang Num Galung Kanawng Mazum Hpawng hpe mung galaw lu nga ai. Kaga Sharin Hpawng amyu myu hpe mung Sub-Komiti garan nna woi awn galaw nga ai.

1. Myu Shayi Zinlum Komiti
2. Nampan Sun Hkai Shatsawm Komiti
3. Malu masha Komiti

Kanu Masat Nhtoi

Num Ni A Tsawm Atsam

Num Ta Hpaji Madun Poi

Num Retreat

Hkawn Ji Sharin Hpawng

Ta Hpaji Sharin Hpawng